หน้าเว็บ

รวมเรื่องฮิตติดหน้า 1

วันอังคารที่ 18 กันยายน พ.ศ. 2555

อ่อมต่อใส่หน่อไม้ส้ม

อ่อมต่อใส่หน่อไม้ส้ม

นางบ่อยากดกปานได๋คับ มันหล่าแล้ว


แกะใส่ถาดได้ซั่มนี้ล่ะคับ



เตรียมหน่อไม้ส้มไว้ถ้าเลยคับ
ตำแจ่วพริกดิบใสกับน้ำปลาแดกแล้วกะหน่อไม้ส้ม
ค้างไฟขั่วให่หน่อไม้ส้มกับต่อสุกแล้วกะใส่น้ำพออุ๊จุ๊ ปล่อยให้เดือดคับ ใส่ผักอีตู่

สุกแล้วกะยกลงคับ
ตักมากินกันเลยคับ เซินแซบ ซะละล่าาาาา



ที่มา http://www.baanmaha.com/community/thread35801.html

อ่อมกบใส่ใบตูบหมูบ

อ่อมกบใส่ใบตูบหมูบ

แบบว่าเมนูนี้เป็นเมนูสาธิตคับ อิอิ เห็นกระทู้เกี่ยวกับว่านตูบหมูบโดย DK ยโสธร แต่โดนแล้วหละ พอดีเมือบ้าน อี่พ่อไปเลี้ยงงัวได้ว่านตูบหมูบกับกบมาโตหนึ่ง ฮ่วย คือพอดีแท้น้อคึดว่า เลยจัดการอ่อมใส่แลงซะเลย เฮ็ดแบบน้อยๆเค็มๆเนาะ อ่อมกบใส่ใบตูบหมูบหอมดี แต่กระดูกกบแข็งโพด อิอิ ภาพอาจสิบ่เหมาะสม ผู้ปกครองควรพิจารณาคับ 5555

ขั้นแรกกะฆ่ากบก่อนคับ ให้กบตายก่อน เพราะว่ายามย่างมันสิโดดหนี บ่ได้กินเด้ 555 แล้วกะจัดการย่างให้สุกหน่อยหนึ่ง ที่เห็นหม่นอ้อกลอกอยู่หั่นกะย้อนว่ากบลักโดดเหล็กปิ้ง ค้างไฟแล้วหันหลังไปตำพริก หันมาเห็นแต่เกียกขี้เถ้าอยู จำเป็นต้องย่างต่อคับ ได้แล้วจั่งล้างออก



ได้ที่แล้วคับ จัดการล้างขี้เถ้าออกให้สะอาด ล้างว่านตูบหมูบพร้อม สับกบให้เป็นต่อนตามสะดวกคับ หรือว่าสับหมุ่นๆกะได้ ว่านตูบหมูบกะหั่นคับ 


ค้างหม้อเอากบที่สับไว้ลงคั่ว ใส่น้ำปลาร้าลงคั่วนำคับ พริกที่ตำไว้กะใส่ลงไปคั่วนำกันโลด จนว่าหอมๆแล้วกะใส่น้ำจักหน่อยหนึ่ง น้ำเดือดอีกเทื่อหนึ่งกะใส่ใบตูบหมูบที่หั่นไว้ ปรุงรส น้ำปลา ผงชูรส ชิมเบิ่งจนว่าพอใจผู้ปรุงพุ้นหละ สุกแล้วกะตักใส่ถ้วย สิได้กลิ่นหอมของใบตูบหมูบฮ่วยๆ


หน้าตาออกมาเป็นจั่งซี้หละคับ ตอนเฮ็ดล่วงน้ำโพด เลยเฮ็ดโจ่งโล่งอยู่ ปานแกงกบ 555
มื้อนั้นปรากฏว่าแกงกบ เอ๊ย อ่อมกบขายบ่ดีปานได๋ เพิ่นพากันกินแนวอื่นกะยังว่า คือสิแม่นย้อนกบกระดูกแข็ง หรือว่ามันบ่แซบกะบ่จักเนาะ แต่ผมว่าแซบสุดขีดพุ้นแหล่ว 5555


อ่อมเครื่องในล้วนๆๆๆ

อ่อมเครื่องในล้วนๆๆๆ














ที่มา http://www.baanmaha.com/community/thread23208.html

ลาบปลาค้าว

ลาบปลาค้าว


เชิญชมและเชิญชิมได้เลยคับ




 
เฮากะจัดการเลาะเนื้อ เถือหนังปลาออกมาเลย เว้าปานหนังจีนเด้เดียวเนี่ย อิอิ ตอนเลาะเนื้อออกมาบ่มีรูป เพราะมือบ่ว่างคับ เอาเนื้อไว้ต่างหากรอการเถือหนังออก


ส่วนนี้เป็นหัวกับส่วนอื่นที่สับไว้ถ่าต้มส้ม กินกับลาบอีกต่างหาก หนังที่เฮาเอาเนื้อออกกะมาต้มนำกันเลย ขวดเขียวๆแดงๆทางเทิงนั้นกะเป๊กไปนำ เฮ็ดไปนำ มันจั่งเพลินดีตั้ว



ต้มไว้ก่อนเลยเนาะคับ จั่งไปเฮ็ดลาบ คือลาบแล้วๆกะตักออกไปกินได้เลยหั่นหนา ลาบเฮ็ดใหม่ๆจั่งแซบตั้วเนาะ เว้ายืดยาว ค้างหม้อเลย สังเกตเบิ่งหม้อแล้ว หม้อหน่วยนี้บ่แม่นแต่ผมเข้า ป.1 พุ้นได๋บุ๊ อิอิ ฝานั้นกะบ่แม่นฝามันดอก โชว์สื่อๆ แต่ว่าบ่ฮั่วเด้ ต้มแกงได้สบายเนาะ อย่าคิดหยังหลาย สับหัวข่า หัวขิงไคใส่ลงไป ผมบ่ใส่ใบบักกรูดดอก เฮ็ดแบบบ้านๆ ระหว่างที่รอหม้อฟดกะแล่นไปเด็ดบักขามดิบมาจักสี่ห้าหน่วย เอามีดทุบพอแตกกะถิ่มใส่หม้อเลย อย่าลืมเกลือหยุมหนึ่งถิ่มไปนำ ขออภัยบ่มีภาพ เฮ็ดผู้เดียว แล่นหาอั่นนั้นอั่นนี้ เลยบ่ได้ถ่ายฮูปกะยังว่า รอให้หม้อฟดอย่างแฮงซะก่อนเนาะ


น้ำฟดลั้วะๆดีแล้ว กะเอาปลาลงหม้อเลย ตามสูตรเนาะ อย่าคน เอาไว้จั่งซั้นหละ รอให้ปลาสุกซะก่อน


ปลาสุกแล้ว กะปรุง ซิมเบิ่งก่อน ส้มบ่ เค็มบ่ จั่งปรุงเพิ่ม น้ำปลา ผงชูรส ให้กลมกล่อม บ่ต้องจัดหลาย เพราะว่าสิไปซดตอนกินลาบพุ้นเด้ แม่นบ่คับ แล้วกะอย่าลืมเอาพริกแห้งเสียบไม้จี่ไว้พร้อมคับ คั่วกะได้ ให้ไหม้ๆจักหน่อยจั่งหอมเนาะ ปรุงพอใจแล้วกะหักพริกจี่โฮยลงไป ผักซีหอม (ผักหอมป้อม) โฮยหน้าลงไป ปิดไฟได้เลยคับ


เนื้อซุมหว่างหั่นหละคับ เถือหนังออกเอาแต่เนื้อ สับให้แหลก บีบบักนาวจักสองหน่วย ใส่เกลือจักหน่อย คั้นคักๆ แล้วกะปั้นน้ำออก ได้จั่งซี้หละ


ใส่พริก ข้าวคั่ว ที่เห็นขาวๆนั้นเกลือเด้อบ่แม่นผงชูรส ชูรสบ่ได้ใส่ขั้นตอนนี้ดอก อิอิ แล้วกะคนเลยคับ หรือว่ามือคั้นเอากะได้ แต่ว่าผมเอาทัพพีคนเอา ย้านลาบมันสิเค็มโพด 


ใส่เครื่องปรุงลงไป น้ำปลา ผงชูรสหน่อยเดียว เพราะว่าเนื้อปลามันสิออกนัวๆในโตมันอยู่แล้วเนาะ (คึดว่า) ตอนปรุงผมบ่ได้ใส่บักนาว แต่ว่าใส่บักกอกแทนคับ เฮ็ดไปนำ ซิมไปนำ จนคึดว่าแซบพุ้นหละ




จั่งใส่ผักเป็นรายการสุดท้าย ผมกะใส่ต้นหอมซอย ผักซี (อยู่บ้านเอิ้นผักหอมป้อม) แล้วกะหัวข่าซอยละเอียดจักหยุมหนึ่ง คนให้เข้ากันอีกเทื่อหนึ่ง กะเป็นอันเสร็จคับ




แกงเห็ดระโงก (ใส่แม่เป้งนำ)

แกงเห็ดระโงก (ใส่แม่เป้งนำ)

แกงเห็ดระโงก (ใส่แม่เป้งนำ)

ช่วงนี้อีสานบ้านเฮาเห็ดกำลังออก ฅนภูไทได้ข่าวว่าเห็ดระโงกออกอยู่โคกนาพ่อใหญ่สี ตื่นเช้ามาฅนภูไทกะเลยไปเก็บได้มาแกงหนึ่ง กะเลยสิแกงกิน พอดีพี่น้องทางร้อยเอ็ดเพิ่นบอกสูตรมาว่าให้ใส่แม่เป้งนำรับรองว่าแซบคัก มื้อนี้ฅนภูไทกะเลยสิลองแกงกินเบิ่งว่าสิแซบส่ำได๋ มาเบิ่งกันเลยครับ



ไปเก็บมาใหม่ขี้ดินกะยังติดอยู่ ต้องเอามาล้างให้สะอาดก่อนเด้อครับ

วิธีการล้าง กะเอาเห็ดไปแช่น้ำเกลือทิ้มไว้สักพักแล้วค่อยล้างออก 

ทีนี้เฮากะมาแกงกันเลย จัดการเอาน้ำใส่หม้อขึ้นค้างไฟ พอน้ำเดือด ใส่บักพริก ใส่เห็ด แล้วกะใส่แม่เป้งลงไป



พอน้ำเดือดอีกทีกะใส่ใบติ้วลงไป กะว่าเห็ดสุกดีแล้วกะใส่ผักอีตู่ลงไป ปรุงรสตามใจชอบ ยกหม้อลง

ตักใส่ถ้วยเสริฟพร้อมข้าวเหนียว (t



แกงเห็ดระโงกต้องซดน้ำโก้กๆ เด้อมันจั่งได้บรรยากาศ ::)




ก้อยบักหอยปัง

ก้อยบักหอยปัง

หว่าสิโพสแต่โดนแล้วหละพี่น้อง ย้อนคายากเวียกกับคาคุยสาวเลยบ่มีเวลา  วันหยุดมักสิหาแนวกินมาเฮ็ด ที่มันกินกับข้าวบ่ได้(กินเป็นกับแกล้มได้อย่างเดียว )ไปเลาะตลาดได้หัวหอยปังมาครับ มาจากกาสินบ้านเฮาพู้นหละ คะเจ้าหั่นหละกะต้มมาแล้ว แต่ก่อนที่เฮาสิปรุง กะเอามาต้มอีกเถื่อหนึ่งเผื่อความชัวร์
ผักกะหั่นไว้ครับ ผักกะคือผักเครื่องลาบนั่นหละครับ อย่าลืมใส่ตะไคร้นำมันสิหอมขึ้นมาอีก
ปรุงเลยครับตามมัก ขาดบ่ได้แหม่นข้าวคั่วเด้อหละกะต้องคั่วเองนำจั่งสิหอม ปรุงให้รสจัดๆเด้อครับจั่งสิแซบ

แกงอีมู้

แกงอีมู้

แกงอีมู้

อีมู้ (มันอีมู้) ลำต้นเป็นเครือเลื้อยไปตามต้นไม้ ลักษณะใบคล้ายใบหมากหุงเป็นแฉก แต่ผิวใบมันกว่าใบใหญ่ไม่เกินฝ่ามือเด็กน้อย เครือมันสิแข็งมีหนามนิดหน่อยแต่หนามบ่คม ลูกมันจะออกตามเครือ สิรู้ว่าแก่จัดก็ตอนมันหล่นครับ ปลูกง่ายแค่เอาหัวมันฝังดินนิดหน่อยแล้วกลบๆ หน้าฝนก็จะขึ้นเต็มเลยครับ หน้าหนาวก็จะออกหัวครับ แล้วเฮากะขุดมาแกง ผมบ่รู้ว่าทางอื่นสิกินคือทางบ้านผมบ่ การแกงกะคือแกงหน่อไม้นี่หละครับ



หน้าตาหัวอีมู้เป็นจั่งซี้หละครับ



เฮากะเอาอีมู้มาฝานเอาเปลือกออก เสร็จแล้วกะหั่นเป็นชิ้นๆๆ



เขียดอีโม่เอาไว้ใส่แกงอีมู้




ผักสะแงะ



เครื่องปรุง กะมี อีมู้ ข้าวเบื่อหมากพริก ผักสะแงะ เขียดอีโม้ ผักอีตู่ ผักขะ น้ำยานาง



เอาอีมู้น้ำยานางลงหม้อขึ้นตั้งไฟ



พอน้ำเดือดใส่ปลาแดกลงไป



ใส่เขียดลงไปแล้วกะใส่ข้าวเบือ



ใส่ผักสะแงะ ผักอิตู่ลงไป



ใส่ผักขะลงไปปรุงรสตามใจชอบ ยกหม้อลง



เสร็จแล้วหน้าตากะเป็นจั่งซี้หละครับ



ที่มา http://www.baanmaha.com/community/thread7522.html