เห็นฮูปนี่แล้วกะคึดฮอดยามใส่เป็ดกบ คับหมู่เพิ่นถ่ายจากนามาให้เบิ่งเข่ากะลังเขียว ยามอยู่บ้านคือสิได่ ไปหาใส่เบ็ดกบนำหมู่ยุ พุ้นและคับ เลาะแคมป่า กบหลายคัก หมู่เพิ่นว่าปีนี้ อุดมสมบรูณร์ น้ำท่า
ย้อนคึดฮอดบ้านกะเลยเป็นที่มาของ เมนู คับ อ่อมกบใส่บักบวบ ยามนี่คือสิบ่อึดคับตามฮั้วข้างเฮือน ปลายนา โพน หรือ ว่าตามฮั้วเถียงนาผุได๋กะปลูก
ตามนี้ที่หาได่จากตลาดนัด แม่ค้าไท กาสินเพิ่นเอามาขาย
1.กบ 1โล ประมาณ5-6 โตนี่ละคับ
2.บักบวบ 4 หน่วย
3.หวัชิใค 3 หัว
4.หัวข่า 3 แว่น ใว้ดับคาวกบ
5.ต้นหอมสด 3-5 ต้น
6. ผักกาดดอก คับแทน ผักใส้ จัก 1 กำ
7.ผักอิตู 1 กำ เสียดายบ่มีผักขะแยง
8.บักพริกสด แล้วแต่ผุมัก น้อยหลายกะตามใจเลย
9.หน่อไม้ส้ม 2 ขีด
10.น้ำยานาง 1 ลิตร เพิ่นคั้นให้ใสถุง สะดวกสะบาย
11.ปลาร้า ,ผงนัว,น้ำปลา,เกลือ ใว้ปรุงความแซบนัว
12.ใบบักกูด 3-4ใบ
จัดการ กบ และกะล้างผัก เตรียมใว้คับ
ตำบักพริกกับหัวชิงใค ไห่พอแหลกจักหน่อย ใส่เกลือ 2ช้อนชา มันจังตำแหลกง่ายคับ
ใด่เครื่องแล้วกะเอาไปคั่วใส่กับน้ำปลาร้า ใบบักกูด คับใช้ไฟปานกลางจนเกือบแห้ง
เติมน้ำยานาง และกะเร่งไฟแฮงๆ ใส่หน่อไม้ส้ม ปรุงรส ผงนัว,น้ำปลา แล้วแต่ผุมักคับ
ถ่าจนหน่อไม้สุกคับ
ใส่บักบวบ
สุดท้ายกะใส่ผักที่เหลือ ปิดไฟยกหม้อลงได่เลยบ่ต้องคนคับ กลิ่นผักอิตู่หอมฮ่วยๆๆๆ
วางบ่ฮอด 5นาที เป็นกับแกล้ม ไปแล้วถ้วยหนึ่ง
ที่มา http://www.baanmaha.com/community/thread46077.html
อยากกินๆ
ตอบลบ