หน้าเว็บ

รวมเรื่องฮิตติดหน้า 1

วันอังคารที่ 18 กันยายน พ.ศ. 2555

หมกปลาลูกคอก

หมกปลาลูกคอก
 มีของกินมาฝากอีกแล้วละจ้าพี่น้อง แนวถนัด 

พอดีว่าฝากแม่ค้าขายปิ้งไก่เจ้าประจำเผิ่นซื้อปลาลูกคอกมาให้ แนวได้ยินเผิ่นว่าถุงละ30บาท

ได้หลายยุได๋ไคก่อจะไปซื้อขีดละ25บาทในตลาด กะเลยฝากเผิ่นซื้อพร้อมกับเห็ดนางฟ้าถุงใหย่ถุงละ 60 บาท

ฝากเผิ่นซื้อให้ยุหน้าฟาร์มเห็ดเจ้าประจำของเผิ่น จ้า

คึดอยากกินหมกปลาลูกคอก หลายมื้อละวางแผนล่วงหน้าเป็นอาทิตย์ 

ฮ่าๆตั้งแต่เริ่มขอใบตองนำแม่ค้าเผิ่น เผิ่นกะใจดีๆ ตัดมาฝากให้แบบบ่คิดตังก์ ฟรีจ้า

30 บาทกะไดหลายคือเผิ่นว่ายุจ้า ล้างน้ำดีๆให้สะอาด



แล้วกะตำเครื่องแกงใส่ มี พริก กะเทียม เกลือ ลำข่า และ บักขามน้อย 

เนื่องจากว่าตะไคร้บ่มีกะเลยตัดลำข่ามาตำใส่แทนคาดว่าจะแทนกันได้ยุจ้า อิอิ 

ใส่บักขามน้อยแทน จากนั้นกะปรุงใช้วิธีกะหรือความรู้สึกคึดว่าน่าจะพอดีแซบ ใส่ชูรส น้ำปลาร้า ใบผักตู่ 

นอกจากนี้กะยังมีเห็ดนางฟ้าดอกน้อยๆเอามาฉีกเป็นชิ้นน้อยๆ แล้วกะคนให้เข้ากัน



จากนั้นกะเอาใบตองมาห่อ



ห่อได้ 5 ห่อ พอดีเป๊ะ อิอิ บ่ได้ห่อใบตองดนรูปทรงอาจจะสวย 




นู๋น้อยใช้วิธีเอาไปนึ่งก่อนเด้อจ้า เพราะบ่มีเวลานั่งเฝ้า อิอิ 



กะเวลาว่า สุกแล้ว นู๋น้อยกะจั่งเอามาย่างไฟอ่อนๆ มีจี่บักพริกอ่อนกับเห็ดนางฟ้าที่จิกไว้นำ 

จะเอาไปตำแจ่วกินแลง ระหว่างรอกะกินหนมจีนถ่า นั่งเบิ่งหมกปลาไปนำ บ่เป็นการเสียเวลา 



ได้เวลาอั่นสมควรแล้วกะ แกะห่อหมกออกพิสูจน์รสชาด ก่อนย้านขายหน้าเจ้าของ 

ว้าววปรากฏว่ารสชาดออกรสส้มๆนัวๆ เป็นอั่นว่า ผ่าน))))))))))จ้า 



ที่มา http://www.baanmaha.com/community/thread43318.html

ไม่มีความคิดเห็น:

แสดงความคิดเห็น